အီရန်ဒရုန်း ကူဝိတ်လေဆိပ်ကို ထိမှန်
အီရန်က ပစ်လွှတ်လိုက်တဲ့ ဒရုန်းတစ်စင်း ကူဝိတ်နိုင်ငံတကာလေဆိပ်ကို ထိမှန်လို့ လူတစ်ဦးသေဆုံးပြီး ၆၀ ကျော် ဒဏ်ရာရသွားပါတယ်။ ကူဝိတ်အရပ်ဘက်လေကြောင်းညွှန်ကြားရေးမှူးချုပ်ရုံးက ထုတ်ပြန်တဲ့ ဗီဒီယိုထဲမှာ လေဆိပ်ရဲ့ ခရီးသည်အဆောင်တစ်ခု ထိမှန်ပျက်စီးတာကို တွေ့ရပါတယ်။ ကူဝိတ်ကာကွယ်ရေးဝန်ကြီးဌာနပြောခွင့်ရကတော့ ဒီလုပ်ရပ်ဟာ အီရန်ရဲ့ ရာဇဝတ်မှုမြောက်တဲ့ ရန်စမှုလို့ ပြောပြီး နိုင်ငံခြားရေးဝန်ကြီးဌာနကလည်း သံတမန်ရေးကြိုးပမ်းမှုတွေဟာ ဒီတိုက်ခိုက်မှုကြောင့် ထိခိုက်ခံရတယ်လို့ပြောပါတယ်။
အီရန်ဘက်ကတော့ ဒါဟာ သူတို့ရဲ့ ကာရှမ်ကျွန်းကို အမေရိကန်ကတိုက်ခိုက်ခဲ့တာကို လက်တုံ့ပြန်တဲ့အနေနဲ့ ပင်လယ်ကွေ့တွင်းက အမေရိကန်ရဲ့ စစ်စခန်းတွေကို တိုက်ခိုက်မှုလို့ ဆိုပါတယ်။ •
#ဘီဘီစီမြန်မာပိုင်း #အီရန် #ကူဝိတ် #အမေရိကန်

စစ်ရုံးချုပ်ရှိရာ နေပြည်တော်နဲ့ စစ်တပ်ထိပ်ပိုင်းခေါင်းဆောင်တွေ ပစ်မှတ်ထား တိုက်ခိုက်ခံရတဲ့ဖြစ်စဉ်တွေမှာ တော်လှန်ရေးတပ်တွေရဲ့အသေခံဒရုန်း "ကာမီကာဇေ" အကြောင်းကို လူသိများခဲ့ပေမဲ့ ၂၀၂၆ နှစ်ဝက်အခင်းအကျင်းမှာတော့ စစ်တပ်က ဒီဒရုန်းတွေကို တွင်တွင်ကျယ်ကျယ်သုံးလာနေပါတယ်။

အပြည့်အစုံကို ဖတ်ရှုရန် - https://bbc.in/4e75CDO?at_campaign=ws_telegram

ကမ္ဘာ့ဖလားပြိုင်ပွဲဝင်မယ့်အသင်းတွေ စရောက်လာ
လာမယ့်အပတ် ဇွန်လ ၁၁ ရက်နေ့မှာ အမေရိကန်ပြည်ထောင်စု၊ ကနေဒါနဲ့ မက္ကဆီကိုသုံးနိုင်ငံက အိမ်ရှင်အဖြစ် လက်ခံကျင်းပမယ့် ဖီဖာကမ္ဘာ့ပြိုင်ပွဲဝင်မယ့် အသင်း အသီးသီး မြောက်အမေရိကတိုက်က ပွဲကျင်းပမယ့်နေရာတွေဆီ စပြီးရောက်လာနေကြတာကို တွေ့ရမှာပါ။ •
#ဘီဘီစီမြန်မာပိုင်း #၂၀၂၆ ဖီဖာကမ္ဘာ့ဖလား #အာဂျင်တီးနား #ဘရာဇီး

မြို့နယ်ပေါင်း ၆၀ မှာ ကြေညာထားတဲ့ စစ်အုပ်ချုပ်ရေးအမိန့်ကို သက်တမ်းတိုးဖို့အတွက် ဦးမင်းအောင်လှိုင်ကိုယ်စား ဥပဒေရေးရာဝန်ကြီးနဲ့ ရှေ့နေချုပ် ဒေါက်တာသီတာဦးက မနေ့ကပြုလုပ်တဲ့ ပြည်ထောင်စုလွှတ်တော်မှာ အဆိုတင်သွင်းလာပါတယ်။

ဒီသတင်းအပြည့်အစုံနဲ့အတူ ဇွန်လ ၅ ရက် သတင်းများကို ဘီဘီစီရဲ့တိုက်ရိုက်ထုတ်လွှင့်မှုကို https://www.bbc.com/burmese/live/c93x3k570ggt?at_campaign=ws_telegram နှိပ်ရုံနဲ့ ဝင်ရောက်ဖတ်ရှုနိုင်ပါတယ်။

ပုဂံတစ်ဖက်ကမ်းမှာရှိတဲ့ မြစ်ခြေမြို့နဲ့ အနီးပတ်ဝန်းကျင်က ရွာတွေကို စစ်တပ် စစ်ကြောင်းဝင်ပြီး အရပ်သား ၂၀ ဝန်းကျင်အသတ်ခံရတယ်လို့ ပခုက္ကူမြို့နယ် လူသားချင်းစာနာ ထောက်ထားရေးနဲ့ ဘေးအန္တရာယ်စီမံခန့်ခွဲရေးဆိုင်ရာ တာဝန်ခံက ဘီဘီစီကိုပြောပါတယ်။

ဒီသတင်းအပြည့်အစုံနဲ့အတူ ဇွန်လ ၅ ရက် သတင်းများကို ဘီဘီစီရဲ့တိုက်ရိုက်ထုတ်လွှင့်မှုကို https://www.bbc.com/burmese/live/c93x3k570ggt?at_campaign=ws_telegram နှိပ်ရုံနဲ့ ဝင်ရောက်ဖတ်ရှုနိုင်ပါတယ်။

"ကမ္ဘာ့ဖလားကို ကြိုက်ပါတယ်။ စျေးတွေကတော့ တကယ် လွန်လွန်းပါတယ်။ မဖြစ်သင့်တဲ့ စျေးတွေပဲ" လို့ နယူးယော့ခ်မြို့ခံ အသက် ၂၃ နှစ်အရွယ် ရှားလက် ဘာဝေါလ်က ဘီဘီစီကို ပြောပါတယ်။
"ကျွန်မတို့ကို ပယ်ထားသလို ခံစားရပါတယ်။ ကျွန်မတို့မြို့မှာ ပွဲကြီးရှိနေပေမဲ့ အဲ့ဒီမှာ ကျွန်မတို့ မပါရဘူးလို့ ခံစားရသလိုပါပဲ" လို့ သူက ပြောပါတယ်။
ကမ္ဘာ့ဖလားလက်မှတ်စျေးတွေတက်သွားတဲ့ဒဏ်ကို ပရိသတ်တွေ ဘယ်လိုခံနေရလဲ။

အပြည့်အစုံကို ဒီလင့်ခ် https://www.bbc.com/burmese/articles/cy429kd79wjo?at_campaign=ws_telegram မှာ ဆက်လက်ဖတ်ရှုနိုင်ပါတယ်။

စစ်ကိုင်းမြို့၊ လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာနရုံးမှာ ဒီမနက် ဗုံးပေါက်ကွဲခဲ့ပြီး ထိခိုက်ဒဏ်ရာရသူ ၂၀ ရှိတယ်လို့ မြို့ခံပရဟိတအသင်းတာဝန်ခံတစ်ဦးက ဘီဘီစီကို ပြောပါတယ်။
ထိခိုက်ဒဏ်ရာရသူတွေထဲမှာ ဝန်ထမ်း ၃ ဦးနဲ့ လဝကရုံးလာရောက်တဲ့အရပ်သား ၁၇ ဦးဖြစ်တယ်လို့ သူကပြောပါတယ်။

ဒီသတင်းအပြည့်အစုံနဲ့အတူ ဇွန်လ ၅ ရက် သတင်းများကို ဘီဘီစီရဲ့တိုက်ရိုက်ထုတ်လွှင့်မှုကို https://www.bbc.com/burmese/live/c93x3k570ggt?at_campaign=ws_telegram နှိပ်ရုံနဲ့ ဝင်ရောက်ဖတ်ရှုနိုင်ပါတယ်။

"မသွားရဘူးဆိုတာ သေချာသွားတော့ အသက်တောင် မရှင်ချင်လောက်အောင်ပဲ။ နားထောင်နေတဲ့ ဖင်လန်သီချင်းတွေလည်း ဆက်နားမထောင်ချင်တော့ဘူး၊ ဖင်လန်အကြောင်း သတင်းတွေလည်းမဖတ်တော့ဘူး" လို့ ရန်ကုန်မြို့မှာ ပြန်လည်နေထိုင်နေတဲ့ မသူဇာက ရင်ဖွင့်ပြောခဲ့ပါတယ်။

ဖင်လန်မှာ ပညာသင်နိုင်ဖို့ မျှော်လင့်ချက်နဲ့ အေးဂျင့်ဆိုသူကို ယုံကြည်ပြီး ငွေကြေးပုံအောပေးကာ ဝန်ဆောင်မှု ယူခဲ့ကြတဲ့ မြန်မာကျောင်းသားတွေကတော့ ဒါဟာ အိပ်မက်တစ်ခု ပျက်စီးသွားတာထက် ပိုပါတယ်။

ဖင်လန်မှာပညာသင်လိုတဲ့ မြန်မာကျောင်းသားတွေကို ဖင်လန်သံရုံး၊ နယ်ခြားစောင့်တပ်နဲ့ ကျောင်းတွေဘက်ကရော ဘယ်လိုသတိပေးချက်တွေရှိနေပါသလဲ။

အပြည့်အစုံကို ဒီလင့်ခ် https://www.bbc.com/burmese/articles/clyp9r8zz8xo?at_campaign=ws_telegram မှာဆက်လက်ဖတ်ရှုနိုင်ပါတယ်။

ကမ္ဘာ့ဖလားဘောလုံးသမားရုပ်တုတွေဖြိုချပြီး အဝတ်အစားတွေချွတ်
မက္ကဆီကိုမှာ ကမ္ဘာ့ဖလားကို အိမ်ရှင်အဖြစ်လက်ခံကျင်းပဖို့ရှိနေချိန်မှာပဲ ဆရာတွေဦးဆောင်ပြီး လုပ်ခလစာတိုးပေးဖို့ တောင်းဆိုဆန္ဒပြသူတွေက မက္ကစီကိုစီတီမှာ ထောင်ထားတဲ့ ကမ္ဘာ့ဖလားဘောလုံးသမားတွေရဲ့ ရုပ်တုတွေကို ဖြိုလှဲပြီး အဝတ်တွေချွတ်ပစ်လိုက်ကြပါတယ်။
ဒီလုပ်ရပ်ကို တချို့မြို့ခံတွေနဲ့ ဘောလုံးပွဲကြည့်ဖို့ရောက်နေသူတွေက ပြစ်တင်ရှုတ်ချကြတာလည်း ရှိပါတယ်။ •
#ဘီဘီစီမြန်မာပိုင်း #၂၀၂၆ ကမ္ဘာ့ဖလား #မက္ကဆီကို