Artihkal lea 11 jagi boaris.
Sámi Grand Prix -juoiganoassegilvu Sajosis álbmotbeaivve Juoiganoassegilvvu dárkkuhussan lea gávdnat Suoma ovddasteaddji Guovdageainnu beassášmárkaniid Sámi Grand Prix -juoiganoasi finálii. Juoigangilvui sáhttá oassálastit maid anáraš livdein sihke nuortalaš leu´ddiin.
Gáppe-Jon Ovllá Niillas-Jovnna Govva: YLE Sápmi / VT 20.1.2014 11:01 • Beaiváduvvon 18.2.2015 17:48
Sámi Grand Prix 2014 njuolggadusat Ahkerádji Sámi Grand Prix -gilvui oassálastimii lea 16 jagi Juoiganoasis eai geavahuvvo instrumeanttat Plagiáhtat eai dohkkehuvvo Oassálastinbihttá ii oaččo leat almmustahtton ovdal Buot finálabihtát jietnatestejuvvojit ovddalgihtii sihke almmustahttojit maŋŋá Sámi Grand Prix -skearrus Sámi Grand Prix -juoiganfinála vuoiti oažžu 20.000 NOK bálkkašumi. Dasa lassin Samiskmusikkfestival bovde vuoiti doallat juoigankonseartta Guovdageainnus čuovvovaš jagi skilleduorastaga. Juoigankonseartta loaiddastanbálká lea 30.000 NOK Sámi Grand Prix -juoiganfinála 2. saji bálkkašupmin lea 7500 NOK ja 3. saji 3000 NOK Sámi Grand Prix -juoiganoasi Suoma oassegilvvu njuolggadusat Gilvu lágiduvvo Anáris, Sámekulturguovddáš Sajosis 6.2.2014 dmu 19.30 rájes Gilvui ávžžuhuvvo almmuhit ovddalgihtii, muhto gilvui sáhttá maid almmuhit báikki alde diibmu 16.00-18.00 gaskkas Gilvaleaddji galgá juoigat rátkkagilvvus 2-4 luođi. **Divvojuvvon 24.1.14: Sámi
Grand Prix -juoiganoassegilvvus ii galgga ovdanbuktit ođđa, finálii oaivvilduvvon luođi, daningo dat ii
galgga gullot ovdal Guovdageainnu loahppagilvvu. ** Juoigangilvui sáhttá oassálastit maid anáraš livdein sihke nuortalaš leu´ddiin Gilvui oassálasti galgá leat uhcimustá 16-jahkásaš Juoiganoasis eai geavahuvvo instrumeanttat Plagiáhtat eai dohkkehuvvo Gilvaleaddji dahje lágideaddji ii dárbbaš almmuhit oassegilvvu luđiid ovddalgihtii Duopmárat leat golbma, main uhcimustá guovttis galgaba leat juoigama áššedovdit. Okta duopmáriin doaibmá duopmáriid ságajođiheaddjin Duopmárat árvvoštallet loaiddasteaddji heivvolašvuođa oassálastit Sámi Grand Prix -juoiganfinálai Guovdageainnus Vuoiti lassin duopmárat válljejit olbmuid 2. ja 3. sadjái Jos vuoiti lea eastašuvvan oassálastimis Guovdageainnu juoiganfinálai dahje ii doaimmat čájánasa luođistis válljenjuryi ovddalgihtii, ovddasteaddjin válljejuvvo oassegilvvus nubbin boahtán gilvaleaddji Bálkkašupmin lea báiki Sámi Grand Prix -juoigangilvvu finálas sihke festiválapássa Guovdageainnu beassášfestiválai Sámi Grand Prix buhtte oassegilvvus olggobeallái báhcán finalistta mátke -ja idjadangoluid Dasa lassin vuoiti bovdejuvvo loaiddastit borgemánus Anárii Ijahis idja 2014 -eamiálbmogiid musihkkadáhpáhussii Sajosis, Anáris lágiduvvo sámi álbmotbeaivve 6.2.14 Sámi Grand Prix -gilvvu (SGP) Suoma juoiganoassegilvu.
- Juoiganoassegilvvu dárkkuhussan lea gávdnat ovddasteaddji Guovdageainnu beassášmárkaniid Sámi Grand Prix -juoiganoasi finálii, čálla sámemusihkkaguovddáža plánejeaddji Anu Magga sámedikki dieđáhusas.
Juoigangilvvu jođiha Niiles-Jouni Aikio. Oassegilvu álgá diibmu 19.30 ja lea buohkaide rabas ja nuvttá.
Juoiganoassegilvvut Norggas, Suomas, Ruoŧas ja Ruoššas Sámi Grand Prix -juoiganoasi rátkkagilvvohallamat lágiduvvojit dán jagi Norgga lassin maid Suomas, Ruoŧas ja Ruoššas.
- Guhtege riikkas okta juoigi oažžu báikki Sámi Grand Prix -finálas, man lassin duopmárat válljejit finálai guhtta juoigi dain, geat leat almmuhan iežaset mearreáigái. Almmuhanáigi Sámi Grand Prix -gilvui nohká 26.1.14 dmu 23.59, Magga čilge.
Almmuheami oktavuođas gilvaleaddji doaimmaha juryi čájánasa gilvobihtástis.
- Suoma oassegilvvu vuoiti sádde gilvobihtás oassegilvvu maŋŋá. Sámemusihkkaguovddáš veahkeha oassegilvvu vuoiti luođi vurkemis dahjege báddemis ja vurkejuvvon luođi sáddemis sihke buot gilvui guoski áššiin.
Sámi Grand Prix lea sámi lávlun- ja juoigangilvu, mii lea lágiduvvon jagi 1990 rájes. Gilvui oassálastet sámemusihkkadáiddárat nu Norggas, Ruoŧas, Suomas go Ruoššasge.
SGP-finála lágiduvvo Báktehárjjis, Guovdageainnus beassášlávvardaga.
Sajosis dievva dáhpáhusat álbmotbeaivve Sámi álbmotbeaivve leat Sajosis Anáris maid eará dáhpáhusat.
Sámedikki nuoraidráđđi ordne 6.-7.2.14 Sámenuoraid konfereanssa, man fáddán lea sámenuoraid identitehta ja gierdilvuohta.
Álbmotbeaivve diibmu 18.00 álgá Sajosa auditorias nuvttá konsearta, mas loaiddastit Tiina Sanila-Aikio, Lars Heaika Blind, Boŋkkas, Oobižeh sihke Ima Aikio-Arianaick ja Miro Mantere. Konseartta oidno maid streama bokte njuolga neahtas.
Juoigangilvu álgá dalán dán konseartta maŋŋá.
