Keessiv 2016 sämitige jeessân Anne Nuorgam raahtij rikosalmottâs aalmugovdâsteijee Mikko Kärnäst. Suu mielâst Kärnä ij liččii uážžum laavâ mield almostittiđ ive 2015 sämitiggevaaljâin vaidâlâm ulmui noomâid.
Nuorgam mustâlij ääšist kesimáánust Sämitige tievâsčuákkimist.
Poolis: “Rikos ij lah tábáhtum”
Yle Uđđâseh fättejii Laapi poolislájádâsâst paajeebrikoskomisario Jukka Haataja. Sun nannee ete sij láá joskâm tutkâmist ääši.
– Lep árvuštâllâm ääši maaŋgâpiälálávt já luuhâm meid tiätusyejiváldálii ciälkkámuš ääšist. Tai aašij vuáđuld lep meridâm joskâđ tutkâm, ko mihheen ij oro čäittimin tom ete täst ličij tábáhtum rikos, Haataja muštâl.
