Säʹmmlai laaul- da juõiggâmǩeâštt, Sámi Grand Prix riâžžât pueʹtti eeʹjj juʹn 36. vuâra.
Ǩiõšttu vuäitt veâl ooccâd jiijjâs laullʼjin leʹbe juõiǥin, leeuʹdin leʹbe jeeʹres sääʹm-musikkäʹrbbvuõđin. Ǩeâšt täävtõssân lij ravveed da oouʹdeed säʹmmlai musiikk da kulttuur.
Ǩiõšttu vuäiʹtte vuässõõttâd sääʹmartiist da -musiikkâr pirr Sääʹmjânnam. Vuässõõtti peäʹsse čuäjtõõttâd peäggtum musikkfestivaalin da vuäǯǯa teäʹǧǧciist.
Juõiǥ da laulli feʹrttje leeʹd sääʹmǩiõʹlle
Teimma ǩeâšt vueiʹtte Piera Eira da Máijá laullʼjin ”Dálkkiid čáđa” da juõiggâmvueʹzz vueiʹti OSCAAL leʹbe Niels Ovllá Oskal Dunfjell ”Sávrrimus”-juõiǥin.
Iʹlmmtõõttâmäiʹǧǧ pueʹtti eeʹjj ǩiõšttu poott 3.11.2025. Ǩeâšt vuässõõtti âʹlǧǧe leeʹd pâʹjjel 16-âkksa.
Laaul leʹbe juõigg âlgg leeʹd sääʹmǩiõʹlle da juõiggmõš âlgg čuâvvad äʹrbbvuõđlaž säʹmmlai juõiggâm-maall. Laulli leʹbe juõiǥ jie vuäǯǯ leeʹd ouddâl iʹlmstõõvvâm.
Iʹlmmtõõttâmlomaakk kaaunak NRK-neʹttseeidain.
