Boazodoalli lei almmuhan miessemánus 2025, ahte boraspiret leat goddán oktiibuot 13 bohcco. Dálonguovloeiseválddi dárkkisteamis buot almmuhusaid ledje goittot fuobmán vuođuheapmen.
Eiseváldi lei dárkkistan jápmán bohccuid meahcis ja gávnnahii, ahte juohke dárkkistuvvon boazu lei gielistuvvon spireváhagin. Bohccuid ráppit ledje duohtavuođas eará bohccuid duoljjit ja ruovjjit, mat ledje bukton báikki ala eará sajis. Báikki alde eai vuohttán ollenge spiriid luottaid.
Dálonguovloeiseváldi dagai áššis rihkkusalmmuhusa bolesii.
Boles lea dutkan dagu roavva behtosa geahččaleapmin. 13 spire goddin bohcco buhtadusárvu livččii leamaš sullii 20 000 euro. Biepmoeiseválddit eai máksán supmi boazodoallái, go su dahkan almmuhusat hilgojuvvojedje.
Boazodoalli lea ovdadutkamiin šiitán dagu. Ovdadutkan lea gárvanan ja ášši sirdášuvvá alaguoddái sivahusvihkehallamii, dieđiha Lappi boles.
