Uvven Karelia-kirjalližuspalkindon ehoitetut on jullattu.
Finualah piästih Camilla Nissinen omal tevoksel Rihmasto, Riko Saatsi tevoksel Yönistujat, Miina Supinen tevoksel Kultainen peura, Tuomas Lius tevoksel Rikottu rintama, Susanna Åke tevoksel Eläjä da Heikki Turunen tevoksel Kuikan vuosi.
Voittajan valliččou Helsingin Sanomien hätken piätoimittajannu tundiettu Reetta Meriläinen. Karjalazen kul’tuuran eistämisfondan annettavu kirjalližuspalkindo juatah pakkaskuul enzimästy kerdua. Sen suurus on 20 000 euruo.
Karelia-palkindon tarkoituksennu on lujendua suomelazen da enne kaikkie pohjaskarjalazen painetun kirjalližuon azemua da yhteltiedy tuvva nägövih muakundien monimuodožuttu.
Finalistat valličči seiččemen hengen sud’d’ulisto. Sud’d’uliston paginanvedäi, emeritusprofessoru Risto Turunen pidäy kilvan tazuo korgiennu da monipuolizennu.
Kuusi teosta tavoittelee uutta Karelia-kirjallisuuspalkintoa