Lappi gearretriekti lea hilgon áššáskuhttima, mas albmá navde birrasa bilideamis. Áššis muitala Lapin Kansa -aviisa.
Ášši duogábealde lea Ohcejoga botni roggan goaivunmašeniin Buođđobogis jagis 2020.
Roggis lei ulbmilin čiekŋudit fávlli fanasjohtima dihte. Botni roggamii eai lean ohcan lobi, eaige das lean dahkan almmuhusa Lappi EJB-guovddážii.
Ohcejohka lea luossajohka ja dakko buohta ledje luosaid gođđansajit, mat billašuvve, oaivvildedje guolledoalloeiseválddit dikkis.
Áššáskuhtti ja Lappi EJB-guovddáš gáibidedje duomu birrasa bilideamis.
Gearretriekti oaivvildii, ahte lohpi livčče dárbbašuvvon muhto geardde botni roggan almmái lei ožžon rávvagiid Ohcejoga gieldda huksenmeaštáris, roggamis eai oaidnán roavva fuollameahttunvuođa. Gearretrievtti mielde fávlli roggan olmmoš ii dáhtolassii rievdadan birrasa čáhcelága vuostá.
