Suomen kul’tuurufondu andoi Pohjas-Karjalah suuret abudengat karjalan elvytändäh da meččien ennallistamizen tutkimukseh niškoi.
Ilja Mošnikovan johtettavu ruadojoukko sai 200 000 euruo nygykarjalan verkosanakniigan luajindah da karjalan kielen elvytändiä tugijoin kielitehnolougizien ruadobrujien kehittämizeh da tutkimukseh niškoi.
Kajar Kösteran johtol ruadai joukko omas puoles sai 209 000 euruo ennallistamispoltoloin da toizien meččien ennallistamismetoudoin tutkimukseh näh.
Abudengat suadih sežo ezimerkikse Lieksan Vaskiviikon kannatusyhdistys, kuduale annettih 35 000 euruo da Jovensuun organizuittavu eričysjoukkoloin kul’tuurutapahtumu Parafest, kuduale annettih 12 000 euruo.
Muakundah annettih kaikkiedah 588 500 euruo kahteletostu abudengan pakiččijale.
Kogo muah Kul’tuurufondu andoi abudengua 29 miljonua euruo kaikkiedah 784 pakiččijale.