Päivännouzu-Suomen yliopisto on kuččunuh Kajuanin ammattikorgeiškolan sego Savonia- da Karelia-ammattikorgeiškolien omistajat kerävymäh tossargen Kuopioh.
Tavoittehennu on nevvotella Suomen suuriman korgeiškolan perustamizeh näh Pohjas-Savoh, Pohjas-Karjalah da Kainuuh. Todevunnou pluanu, ga sit uvves opastuskohtas rodies Suomen suurin 35 000 opastujan miäräl.
Päivännouzu-Suomen yliopiston kučun taga-alal on sežo tahto luadie omistusjärjestelylöi, sendäh gu yliopisto tahtos suaja ammattikorgeiškolat iččeh omistukseh.
Hos nevvottelut ollah vaste algavumas, Savonia jo on ilmoitannuh Savonia on jo ilmoittanut, gu yhtehine ruado pädöy, ga omistustu ei tahtota myvvä.
Kajuanin linnanhalličuksen paginanvedäi Minna Leinonen sanou, gu Savonian mielipideh ei vaikuta Kajuanin nevvotteluazetelmah.
– Kajuani planiiruiččou nevvotella yhtesruavon syvendämizes da mahton mugah sežo omistusjärjestelylöis. Piätös roih nevvotteluloin jälles.
Kajuanin ammattikorgeiškolan azemu on mieldykiinnittäi. Sežo Oulun yliopisto tahtos ostua sen, sendäh koziččijua löydyy päivännouzupuoles dai päivänlaskučural.
Linnanhalličuksen paginanvedäi Minna Leinonen tovendau, gu Oulun yliopistolpäi vie ei ole tulluh virrallistu nevvottelupakičendua. Yliopiston mieles tahtoh näh on sanottu jo ammui.
Neuvottelut Suomen suurimman korkeakoulun perustamiseksi alkavat tiistaina