Oummu rââst raaj -haʹŋǩǩõs da Sääʹm škooultemkõõskõs tuejjee õhttsažtuâjast aivv ođđnallšem nuõrttsääʹmǩiõl mättjempirrõõzz, koʹst ǩiõl alggmäättaid vuäitt mättʼtõõttâd jiõččnânji.
Määusteʹmes mättjempirrõõzz õlmstââʹttet ǩieʹssmannu 16. peeiʹv.
Vueʹllǥaž kõddâz neʹttmäättain oummu vuäiʹtte tobdstõõttâd sääʹmǩiõlle jiijjâz taaut mieʹldd, ääiʹjest da pääiʹǩest huõlǩani. Materiaal lie vuõss vuâra še tääras.
– Mättmateriaal, kooivuiʹm ǩiõl mättõõlât, lie tuõđi occanj vuäǯǯamnalla da mättʼtõõttâmvuäittmõõžž lie õinn rajjuum. Ǩiõllõutstõõzzâst vueʹss oummuin jälste Taarâst da toʹben taarǩiõllsa materiaal lie uuʹccben, joba jie ni vooʹps, mušttal haʹŋǩǩõstuâjjlaž Lempi Lehtinen.
– Leäʹp ǩiõččlõõttâm tän juʹn Taarâst da toʹben sääʹm leʹjje kâʹl älšsmam määttai diõtt, rämmaš Lehtinen.
Määtt âʹnne seʹst jiânnai videoid, snimldõõǥǥid, jiõnid, speâllaid di siõrid kuhttu ǩiõʹlle.
Sääʹm škooultemkõõskõs tuõʹllai neʹttseeidaid koolm eeʹjj ääiʹj. Määtt lie jurddum vuõrâsoummuid da nuõrid.
Näkkam määttaid, koid vuäitt jiõčč čõõđted, lij leämmaž jõnn tarbb.
– Taarb diõtt lij šõddâm näkkam škooultõs, koon ǩii täättas da koʹst täättas vuäitt čõõđted jiijjâs äiʹǧǧtaauli mieʹldd, mušttal Lehtinen.
